更多
2021-03-29
1618 瀏覽
減肥都要抖下氣，今日OMAD嚟到幾新嘅Alva House食週末早午自助餐。佢分咗兩輪，早啲食又得、晏啲食都得，食晏的話夜晚都唔使食了。場地都幾闊落新淨，枱同枱之間唔會有太大壓迫感，好多落地玻璃所以十分光猛。而餐具都有預先用保鮮紙包好，感覺幾乾淨衛生。食物方面，種類足夠，連生蠔都有，滿足到愛吃蠔的我，每人每次限拎兩隻，所以唔使等好耐。雖然size就唔係話好肥滿飽大，但呢個價錢嚟講都可以算係超值。至於三文魚都頗肥美，佢仲有希靈魚、八爪魚同鯛魚，感覺都係三文魚最好食。熟食食得最多係roasted beef，如果可以切得厚少少會開心啲，因為真係好薄，口感就有少少韌，但食到後尾咁岩切到中間部分靚少少就好啲。最驚喜係佢有豬腳薑，啲豬皮Q彈好入味好好食！而滷水豬腩肉都出奇地好食，唔會覺得好肥膩，入口即溶😋咖哩亦都唔錯，好濃郁好香。至於燒物炸物就感覺麻麻地，粉偏多，最好味係燒菇。佢仲有即製omelet、意粉、沙律菜等等，但因為食到後尾好飽所以無試，但睇個樣都幾正。甜品我就覺得普普通通，好多芝士蛋糕，但都係mousse款。最好應該係movenpick雪糕了😅今次掛住食無乜點影相，但整體而言係性價比高嘅
場地都幾闊落新淨，枱同枱之間唔會有太大壓迫感，好多落地玻璃所以十分光猛。而餐具都有預先用保鮮紙包好，感覺幾乾淨衛生。
食物方面，種類足夠，連生蠔都有，滿足到愛吃蠔的我，每人每次限拎兩隻，所以唔使等好耐。雖然size就唔係話好肥滿飽大，但呢個價錢嚟講都可以算係超值。至於三文魚都頗肥美，佢仲有希靈魚、八爪魚同鯛魚，感覺都係三文魚最好食。
熟食食得最多係roasted beef，如果可以切得厚少少會開心啲，因為真係好薄，口感就有少少韌，但食到後尾咁岩切到中間部分靚少少就好啲。最驚喜係佢有豬腳薑，啲豬皮Q彈好入味好好食！而滷水豬腩肉都出奇地好食，唔會覺得好肥膩，入口即溶😋咖哩亦都唔錯，好濃郁好香。至於燒物炸物就感覺麻麻地，粉偏多，最好味係燒菇。佢仲有即製omelet、意粉、沙律菜等等，但因為食到後尾好飽所以無試，但睇個樣都幾正。
甜品我就覺得普普通通，好多芝士蛋糕，但都係mousse款。最好應該係movenpick雪糕了😅
97 瀏覽
1 讚好
0 留言
52 瀏覽
0 讚好
0 留言
40 瀏覽
0 讚好
0 留言
34 瀏覽
0 讚好
0 留言
今次掛住食無乜點影相，但整體而言係性價比高嘅一餐，質素唔錯，好適合放假約埋朋友一齊嚟開大餐🥳
張貼
