蜜蜜見 (已結業)

星期日和男友在將軍澳覓食，將軍澳係有好多餐廳，但好多背後都係大集團經營，服務、食物質素都係一樣，了無新意。經朋友介紹到蜜蜜見吃晚餐，順便支持下小店。Order 左兩個套餐，1)意大利大啡菇意粉 2)香煎日本帶子蘆薈意粉食物很新鮮，真材實料，無需狂落調味料都食到濃濃的菇味，帶子又新鮮，煎得有水準，係一個小店度有甘嘅質素，令人大為驚喜。炸洋蔥圈好香，熱辣辣又脆。因為食得太飽，我無叫甜品，好可惜😩下次一定要叫！而且價錢實惠，我地兩個食到好飽都係200蚊。兩個後生仔（應係）老闆忙出忙入都無待慢我地，服務好好。鋪頭唔大，但坐得舒服唔逼。整體黎講我好滿意，好少寫食評，真係要好啱心水先會係度介紹比人。