晚市有五個孖寶套餐可以選擇，全部都至少有一樣是海鮮，勁吸引，而且價錢好便，勁抵食！
於是我地就叫左個蒜蓉粉絲開邊蝦配雙喜小炒皇，小炒皇好大碟，炒得勁香，配料勁脆，好有鑊氣，送飯一流。
而蒜蓉粉絲開邊蝦，D蝦好鮮甜，配上蒜蓉，滋味無窮，粉絲吸收曬蝦的鮮味，是道菜的精華所在。
跟住，我地仲點左個人氣招牌推介-鮮鮑魚奇味雞煲和瑤柱旦白炒飯，有六隻鮑魚和半隻雞，相當抵食，鮑魚吸收曬雞既味道，而且每隻都有界紋，完全每個位吸收曬鑊氣和鮮味，而雞肉保持嫩滑多汁，兩者搭配香辣惹味好食，味道醇厚。
瑤柱旦白炒飯則是鑊氣十足，粒粒分明，夾帶瑤柱和旦白，很有口感，在前面濃郁的菜配搭下，很好地送飯。
最後，侍應仲送左我地紅豆沙，D紅豆沙煲到有渣，好足料濃郁，飯後甜品一流，完美收場。
