203食堂 (已結業)

朗屏站附近虹方2樓有間米線舖，乾淨企理，店員好友善。一睇餐牌就見到價錢合理，食物選擇多，同朋友一人嗌咗一碗米線，一個小食，同埋跟餐兩杯嘢飲。我嗌咗個招牌醉香雞米線，啲雞係分開上，份量好多，仲有好多雲耳，冬天食湯米線真係一流，我好鍾意個湯清清地，冇乜味精，但又有雞湯味，差唔多飲晒成個湯😂 朋友嗌咗個期間限定嘅胡椒豬肚雞湯麵，佢話個湯嘅胡椒味好重，食完個胃暖笠笠，豬肚嘅份量都好多，又有豆卜索湯，同埋酸菜醒胃！椒鹽豆卜嘅份量好驚人，冇諗過咁大份，就咁食或者浸少少湯嚟食都得！嘢飲帶咗熱利賓納同埋熱菜蜜。