泰 (銅鑼灣廣場二期) (已結業)

7週年記念日， 又係食泰國菜，精選左銅鑼灣廣場二期的6樓的Thaiology. 全店以深綠配金色為主， 地方大，坐得舒適。難得唔使湊女就必食咖哩。有shake shake海鮮，但二人餐價咩都得有。上菜速度仲好快， 可以影到張top view齊送菜相， 好開心。明爐椰汁雞湯：明爐一直keep住溫度，甜中帶少少酸又幾特別，有菇有雞粒好滋潤的感覺。青木瓜沙律：好大盤，好好層次， 洋蔥青瓜絲爽口青甜。泰式大蝦金邊粉：又係大份量， 金邊粉爽口， 鑊氣夠，大蝦夠睇頭。串燒4串：豬牛雞都有，香噴噴， 烤得好香，色澤吸引。黃咖哩牛肉：先有蔬菜放面， 下面先係牛肉， 醬汁唔算辣多到湯。好老公話下次想食紅咖哩喎。套餐仲配2杯飲品， 就揀左椰汁冰同紅荳冰。紅荳已經煮到起沙， 非常讚。椰汁糕6件，細細件，不太甜， 原來套餐 加28元便可， 圓滿結束。