影片
更多
2018-10-22
835 瀏覽
平日既lunch好少人，用餐時間90分鐘。E牛肋肉四品燒肉盛合($149)4款牛包括：骨附牛肋肉、上級牛肋肉、牛肋肉同網燒一口牛。4款牛都有牛味，幾好食。我地都同意好食程度係：牛肋肉＞上級牛肋肉＞ 骨附牛肋肉＞網燒一口牛。牛肋肉：啖啖肉上級牛肋肉：唔知係咪燒得唔好，好韌，但都好食骨附牛肋肉：大骨少肉，有肉汁網燒一口牛：入口即溶至於醬汁，我地都覺得蒜鹽醬最好味，夠哂惹味。另外2款就麻麻。套餐仲包埋昆布湯、迷你沙律、牛角飯同飲品。(個人口味: 3.5/5)燒肉定食C ($69)2款肉類揀左丹麥皇冠豚扒同雞腿肉。丹麥皇冠豚扒幾入味，口感都唔錯。雞腿肉幾有咬口，但無乜味，沾埋醬都無乜味，下次可以唔使再叫。套餐都係包埋昆布湯、迷你沙律、白飯同飲品。(個人口味: 3.2/5)成餐飯最令人難忘既竟然唔係牛，而係牛角飯。所謂牛角飯，即係白飯面上鋪上紫菜、蔥同埋秘製醬汁，撈埋白飯再搭多一件牛放入口，真係超級好味。就算單食牛角飯都好正，簡直係成餐飯既精華，食極都唔厭。我地總共食左3碗牛角飯+1碗白飯。下次可以+$18要埋溫泉蛋，相信牛角飯再加上溫泉蛋一定更加美味。牛油帶子($22)(追加)有3粒帶子，燒完
E牛肋肉四品燒肉盛合($149)
4款牛包括：骨附牛肋肉、上級牛肋肉、牛肋肉同網燒一口牛。4款牛都有牛味，幾好食。我地都同意好食程度係：牛肋肉＞上級牛肋肉＞ 骨附牛肋肉＞網燒一口牛。
牛肋肉：啖啖肉
上級牛肋肉：唔知係咪燒得唔好，好韌，但都好食
骨附牛肋肉：大骨少肉，有肉汁
網燒一口牛：入口即溶
至於醬汁，我地都覺得蒜鹽醬最好味，夠哂惹味。另外2款就麻麻。
套餐仲包埋昆布湯、迷你沙律、牛角飯同飲品。
(個人口味: 3.5/5)
燒肉定食C ($69)
2款肉類揀左丹麥皇冠豚扒同雞腿肉。丹麥皇冠豚扒幾入味，口感都唔錯。雞腿肉幾有咬口，但無乜味，沾埋醬都無乜味，下次可以唔使再叫。套餐都係包埋昆布湯、迷你沙律、白飯同飲品。
(個人口味: 3.2/5)
成餐飯最令人難忘既竟然唔係牛，而係牛角飯。所謂牛角飯，即係白飯面上鋪上紫菜、蔥同埋秘製醬汁，撈埋白飯再搭多一件牛放入口，真係超級好味。就算單食牛角飯都好正，簡直係成餐飯既精華，食極都唔厭。我地總共食左3碗牛角飯+1碗白飯。下次可以+$18要埋溫泉蛋，相信牛角飯再加上溫泉蛋一定更加美味。
牛油帶子($22)(追加)
有3粒帶子，燒完之後充滿帶子同牛油味，直得追加。
飲品唔掂。本身叫左杯可樂，但味道實在太淡，太難飲，就叫侍應換過杯凍檸茶(好彩都肯換)，但係凍檸茶都係唔好飲，低於正常水平(不過都好飲過可樂)。睇泥要叫加錢既飲品先會正常d?
整體而言，食物同環境都唔錯，唔會好大油煙。lunch最抵食，我就唔會幫襯晚市啦，價錢差太遠。問左侍應，VCity分店星期六日都有lunch set，唔知其他分店係咪都有
張貼
