富和飯店

營業中

休息中

土瓜灣一向是一個美食小店之地, 好食抵食嘅餐廳不計其數, 今日行開土瓜灣見到有一間新開啲茶記, 入去一試, 可作飯堂。例水 - 無乜味, 但唔係翻煲溝水無味, 係無落到師傅同唔夠料煲個湯頭, 一般良心小店都係咁做嘅啦, 唔想加咁多味精廢事食壞人就將個例湯煲到好浠唔夠味, 好唔好就見人見致, 但對食客嚟講係健康嘅。酸菜魚片飯 - 依個不得了, 係個湯頭好飲, 好甜, 佢唔係偏辣嘅酸菜魚, 係偏酸嘅, 除咗個湯頭好甜之外飲完佢完全無涸喉, 明顯係真材實料煲出嚟, 同酸菜都係靚貨, 好食, 魚片就滑得嚟又脆口, 但略縑多骨, 但河魚係咁, 無計, 跟餐有凍飲同白飯, 個白飯分量好多下, 好諗最少有成兩碗分量, 抵食。鐵板茄子牛仔骨 - 一上枱會發覺佢個鐵板做得比好多坊間嘅港式排房做得更好, 鐵板夠熱, 係好熱, 啲汁維持咗好持都係 "炸炸"聲嘅, 牛仔骨做得嫩滑香口, 茄子更加係一絶, 淋身吸咗啲牛肉汁更為滋味, 好吃。大大杯餐飲 - 跟餐杯凍飲係大大杯嘅。埋單146, 但我哋係order一個小菜, 一個午餐, 食物質數有保證, 件頭大, 係抵食好食嘅, 值得再嚟。