三興飯店 (已搬遷) 新店位置

入冬之後根本凡係出街開飯，九成九都係打邊爐﹗今晚亦唔例外，去元朗食雞煲再打邊爐﹗地點是元朗的三興飯店。地鋪，裝修簡單陳舊，店內座位不多，食客多坐露天街邊位置﹗是日星期四，未及七點鋪前鋪後街邊座位已擺滿整條大街，廿幾三十張枱迫爆真可說是萬人空巷，咁早都要等去到竟然要等位﹗一行七人，元朗友人話來呢度食飯，係貪佢平靚正﹗這兒出名的是食煲，見有雞煲、魚頭煲、蟹煲、水魚煲、牛腩煲等，最出名好似係豬骨魚頭煲，食完再用煲既汁加水打邊爐﹗點了太平雞煲﹗$168一隻雞，都幾大煲，雞肉醃得入味，微辣中帶酒甜香﹗七個人一人三幾件，唔洗十分鐘已掃哂﹗這兒食物價錢平之餘仲相當大碟，手打墨魚丸一碟十幾粒﹗咬落有墨魚粒，香口，$40咁大碟真抵食﹗手切肥牛大碟$98﹗牛肉色水殷紅新鮮，可惜的是牛味偏淡﹗手打鯪魚球﹗這個不可不試，又是$40有10幾粒，淥起後腍身卻煙韌彈牙，魚味濃吃得出自家打得用心，好味﹗大家也很滿意，最後點了兩碟也一陣便清哂呢﹗手切牛吃得不暢快，再點多個美國肥牛，這個$78大碟，反而有驚喜﹗唔會煙肉似的肥得作吐，油脂紋理平均，牛味濃，雖然質地偏韌，但比手切肥牛好吃呢﹗大魚頭當然無我份，不過友人啜到合哂