中華小館

今次呢間餐廳除咗有大閘蟹任食仲有其他食物 好豐富架每位仲附送滋潤燉湯真係非常抵食呀🔸大閘蟹任食放題 $498講吓呢個放題套餐有d咩嘢食先，首先當然唔少得嘅就係主角🦀大閘蟹啦，大閘蟹非常新鮮，重量係4-5両，每一隻都爆哂膏，睇到流哂口水🤤金黃色嘅蟹膏鮮甜無比，蟹肉實正得嚟好香蟹味，點埋蟹醋食就更加惹味呢個套餐會每位附送滋潤燉湯同埋鮑魚花菇扣鴨掌各一客，真係頂級嘅享受。燉湯🥣非常足料，飲落好清甜好潤，完全無味精，非常高質👍 鮑魚花菇扣鴨掌嘅鮑魚好彈牙，鴨掌好好肉，配埋鮑汁好好味😋除咗大閘蟹外，仲有多款食品可以無限添加，包括蟹粉小籠包、紅燒乳鴿、桂花鮮淮山、泡椒鮮魚皮等等，驚唔夠飽嘅話仲有馳名叉燒飯任食😍蟹粉小籠包皮薄餡靚，食到好香嘅蟹粉味，一啖咬落去仲爆哂肉汁，絕對要encore幾次🤣紅燒乳鴿嘅皮燒得好香脆，色澤亦都好靚，食落肉質嫩滑，乳鴿都啖啖肉，相當有水準👍 泡椒鮮魚皮食落好爽口，由於加咗泡椒所以都幾辣，非常惹味🤤馳名叉燒飯嘅叉燒燒得好靚，肥瘦平均，食埋個飯非常滿足