新記雞粥 (筲箕灣道)

營業中

休息中

今日lunch決定食依間新記，佢平時早午晚市都好多人等，今日見有位就走左入去。舖頭唔係好大，但都算乾淨同坐到唔少客，伙記數目都夠，一叫就黎幫我寫野，出餐都夠快，可能係午餐set既關係啦。我就叫左個煲仔窩蛋牛肉蒸飯，黎既時候都好多熱，塊牛肉都幾大塊，仲有條臘腸同一條菜，都算幾好既，無hea我。咁食落都唔錯既，隻窩蛋撈飯真係幾好食，咁塊牛肉就不過不失，都唔太硬既。成個飯就對得住個價錢既。之後跟餐我要左杯凍奶茶，係奶多左Ｄ，下次可以叫佢少奶。