極上帝王水產

營業中

休息中

放假同朋友喺旺角行完街 上咗兆萬樓上 見有一間叫做極上帝王水產放題，好似都唔錯，而且有優惠。 生蠔好大隻，而且唔係話得個殼大，蠔肉都非常肥美。 係好creamy個種口感食完蠔，我地點左既刺身盤已經上台非常大盤有甜蝦、三文魚腩、螺片、鮑片、赤貝、象拔蚌、八爪魚、蟹棒、帶子…其實樣樣我都鍾意食 特別好食嘅除咗帶子鮮甜、三文魚腩肥美之外，我覺得做得最出色嘅係: 八爪魚。 八爪魚真係切得好薄片，咬落去一啲都唔硬，好好味。另外蝦刺身除咗有最愛既甜蝦，仲有另一隻比較肥美嘅珍寶赤蝦，非常鮮味爽口。 食完刺身，再食壽司三文魚腩壽司散發出香噴噴既魚油香氣入口即溶既感覺好正。 朋友點了炸物、天婦羅非常多種類我比較欣賞炸鮮奶 炸得香口又唔過火，唔會太甜但係又食得出小小煉奶嘅味道，唔會好膩。小食選擇有好多麻辣花螺雖然唔係好辣，但都幾惹味，食起上來係比較麻煩，但唔知掂解就係鍾意食。粟米粒比較大碗，好甜蜆肉味道唔錯，隻隻都好好肉牛肉壽喜燒，食完暖笠笠最後食左好多片冰鎮菠蘿，非常甜好juicy。 食到好飽，但其實仲有好多選擇， 下次同朋友可以再來。