阿木台灣麵 (D2 Place TWO)

營業中

休息中

阿木台灣麵🍜位於荔枝角D2 Place既阿木台灣麵開咗分店，經開呢頭就試吓佢既tea set啦😋下午茶可以揀一款主食，三款小食同埋包一杯飲品。主食有四款選擇，包括台灣肉燥飯、麻辣乾拌麵、麻醬干拌麵同埋肉燥新竹湯米粉。今次試吓麻辣乾拌麵😗 拌麵口感煙韌，簡單配上青瓜絲已經好好食，麻辣醬汁香辣得黎好開胃🤤小食方面，今次揀咗鹽酥雞、豬耳同埋滷百頁豆腐。鹽酥雞炸得酥脆香口，而且肉質都keep到唔會好乾👍🏻 豬耳滷得幾入味，口感爽脆。至於滷百頁豆腐，口感軟滑Q彈，有啲似食緊豆干🤣 另外，朋友單點咗一份炸蕃薯條，份量都幾多，酥脆可口！甜甜地幾好食😜整體黎講，呢度既tea set都幾抵食‼️值得一提既係tea set得平日15:00-17:30先供應。