亞金南洋茶室 (新都城中心二期) (已結業)

餐廳環境乾淨整潔, 坐位舒適唔會逼, 而員工亦好好禮貌。Dinner set好抵食又多款式 。🍴招牌叻沙 hkd66店員落單時好細心會提醒麵底係滲滲, 即油麵加米粉, 如果唔鐘意既都可以改只叫其中一款。叻沙湯底有非常濃郁既椰香味, 配料好豐富有鮮蝦、蟹柳、魚片頭、魷魚圈、豆卜、半隻蛋等，成個麵份量非常之多, 而且D麵又好掛湯好惹味。🍴招牌無骨海南雞配油飯 hkd66可以簡白飯/油飯, 但食海南雞緊係配油飯啦! 無骨雞好方便, 肉質滑嫩, 油飯亦夠香而不油膩, 仲配有3款醬汁, 緊有一款岩你。 🍴玻璃魷魚通菜 hkd 32叫dinner set可以優惠價加配小食, 玻璃魷魚通菜醬汁微辣, 魷魚多和非常爽。🍴肉鬆煉奶油酥餅 hkd24呢個好特別, 出面餐廳比較少見, 油酥餅好酥脆，夾住肉鬆煉奶好夾!🍴星加坡摩摩喳喳(凍) $35見到呢款甜品忍唔住要試埋佢, 有芋圓、蕃薯圓、紅豆、涼粉及椰奶,。芋圓煙韌, 紅豆軟燸, 冰涼又好夠味, 好滿足!🍴青檸梳打 hkd14🍴椰香沙冰 hkd16搭配主套餐可以半價享用飲品, 兩款飲品都好解膩岩哂食濃味野飲。