鵝潮館

是日放工太攰唔想煮，最近玩緊低碳飲食，盡量少食澱粉質😆經過屋企樓下個街市都諗起好耐無買滷水嘢食😋一條友乜都斬啲就拎返屋企餸啤酒。
.
一個人原來都可以盡興🤣自己斬左一盒料返屋企，擺落隻碟度再輕輕加熱，簡直係享受人生😁😁

.
好啦，講返今日買左乜先😙 雖然叫師傅每樣斬啲，但我都擇左最鍾意食既滷水鵝髀、豬頸肉、豬舌、豬耳、滷水蛋，幾十蚊就夠晒我一個人食😙 其實呢間滷水我都幾欣賞，首先新街市乾淨企理，另外滷水野好講究個滷水汁，佢個滷水汁鮮味得黎唔會死鹹，亦唔會只有豉油嘅重味，反而仲食到八角同其他配料既滷水味道。食滷水嘢，個刀手嘅刀工都好重要，買隻鵝髀，仲肯幫手去骨切片，有誠意又易食左。價錢亦都相對相宜，岩晒一般斬料既家庭客黎食。有陣時臨收工，仲執到平嘢，好似幾十蚊半隻雞咁。🤣

滷水鵝片

滷水豬耳

豬舌

豬頸肉

滷水蛋

.
住呢頭嘅街坊都知道滷水嘢無咩不二之選🤣 食過真係會返轉頭買。