盈館

營業中

休息中

為食嘅我其實好鍾意飲茶食點心早排比我晌旺角搵到一間好味又抵食嘅茶酒就晌創興7樓（安平燒肉樓下）週末朝早嘆返一盅兩件都咪話唔梳肝呀哩度嘅早市、午市、下午茶都有套餐優惠同埋可能因為棟大廈太多餐廳而哩度相對易搵位一啲同埋全部都係即叫即整 熱辣辣🔸潮州蒸粉果（推介👍🏻）餡料好新鮮，菜好翠綠，中芹好香，葛好爽。🔸晶瑩鮮蝦餃（推介👍🏻）餃皮晶瑩通透，口感煙韌，入面超多蝦，好爽彈。🔸甫魚乾蒸燒賣（推介👍🏻👍🏻）我最鍾意哩款，燒賣面頭有啲類似木魚絲嘅東西，個味同燒賣好夾，同埋個餡滿滿豬肉同蝦，好足料，唔係溝粉個啲。🔸叉燒腸（推介👍🏻）腸粉好滑！個甜豉油都好味，唔會太咸又夠香。🔸蘿蔔絲咸水角哩款個外型好得意🥕成條蘿蔔咁，外層脆卜卜，入面就係一般嘅肉碎，都幾好食。.🔸鮮蝦脆春卷（推介👍🏻）剛剛炸起，又熱又脆，而且唔油！入面好多蝦！同埋蒜味好香！🔸煎鴛鴦糕我本身愛吃蘿蔔榚，所以叫左哩款有蘿蔔糕同芋頭糕嘅點心，榚內有唔少蘿蔔絲，幾足料。🔸紫米麻沙糍外面係紫米味嘅外皮，入面係花生、椰絲，唔太甜。