金記冰室 (已結業)

今日放假一個人，下午就落樓下茶餐廳食個午餐算啦，見到有間金記裝修幾靚，咁就上一層試下啦。望下個menu, 都係以中餐為主，見到有個蓮藕炆腩仔，都唔使諗其他啦，就佢啦，凍奶茶唔該！首先係個餐湯，蕃茄湯，都無咩料，但係都好有蕃茄味道，之後個飯好快就到啦，蓮藕都幾爽口，不過腩仔就少左d，得兩舊，個汁送飯幾好，好快就食晒啦。跟住就到餐飲啦，冰鎮凍奶茶，個奶茶都唔錯，冰鎮之下奶茶唔會溝稀咗，好香茶味，之後食完就返屋企啦。