宮葉 パフェ (已結業)

成日同朋友食完飯都會另覓食甜品糖水，宮葉Miyaha係日式店，集正餐甜品於一身，而佢地D甜品嘅賣相都唔算hea架～宮葉Miyaha位於太子，從太子地鐵站行過去只需要1分鐘，位置方便，帶旺。而店子唔算大，不設訂座。食物主菜選擇主要有拉麵丶日式飯類等。今次叫左和風豬軟骨拉麵同紅酒牛肋條丼。拉麵未至於高質素，但唔係難食，正正常常普普通通咁。至於紅酒牛肋條丼幾好，仲有隻溫泉蛋做配菜之一，個汁真係有少少酒味，不過上枱時只有少少微溫，唔係幾夠熱。甜品叫左香橙西柚乳酪芭菲，個雪糕幾creamy。同埋估唔到D生果配料幾好味，特別蜜瓜好甜!整體味道ok，雖然未至於好好味，但以依個價位黎講，今晚兩個人只係食左$151，又唔收加一，算係一個幾好嘅選擇。