彩福皇宴 (已結業)

平日下午茶時段，皇室堡樓下商舖都幾冷清。上黎飲茶，點知都好多人等位，等左半個鐘先有位。呢度近窗邊有一大排玻璃，仲望到海景，好開掦。銅鑼灣區酒樓，下午茶竟然好抵食。個人喜歡飲鐵觀音，而彩福既鐵觀音我覺得係眾多酒樓中最好飲，茶味夠又清新，仲有回甘。全部野食都夠熱夠份量，味道又好!茜芹鮮蝦炸春卷($20)，有四條，蝦肉彈牙~香茜牛肉腸($20)，牛肉夠滑，仲有我鍾意既芫茜露筍鮮蝦腐皮卷($20)，四件足料。香煎芋頭糕($16)，每次彩福必食之選，有四件，煎得香脆，又多芋頭又夠粉~蓮蓉壽桃包($16)，少少粉紅色，靚。皮薄餡多~