The Night Market (又一城) (已結業)

又一城呢間台灣野開左一段日子都未食過，呢日睇完戲想醫醫肚，就揀左呢間喇😝剛好下午茶時間，一個set有齊小食、主食同飲品，一百蚊都唔洗，好吸引！我哋嗌左兩set加多個小食，超級豐富😆🔸金牌小籠包、花枝脆春卷😍啲小食都好出色，小籠包咬開充滿肉汁，個皮都好夠薄。春卷好脆，點上芥末沙律醬好好食。🔸香酥豬扒配魯肉飯、招牌牛肉麵豬扒都幾厚身，而且唔乾柴，滷肉飯肉碎肥瘦均勻，醬汁甜甜地，識落好開胃😍下午茶份量少啲，但係都好大碗好夠食。牛肉麵既牛肉都夠腍，不過略嫌湯底唔夠濃🤔🔸鳳梨果醋、檸檬愛玉冬瓜茶跟餐特飲都唔使加錢，鳳梨果醋都好有驚喜，原來係有氣，好清爽！🔸麻糬糖不甩🥰跟下午茶餐仲可以加$15配甜品，其他都好吸引，但驚食唔晒只係要左呢個麻糬糖不甩，好軟糯！！幾好食😋🔸鮮海草蛤蜊湯👍🏻蛤蜊的分量好多而且無沙，個湯相當鮮甜，亦唔會好鹹。🔸醬香五味雞雞肉好嫩滑，麻醬帶點微辣，一個好好嘅開胃菜！