影片
更多
2019-02-18
324 瀏覽
機場餐廳俾人既印象多數係：1）較貴2）水準較差3）服務唔好呢間翡翠拉麵小籠包分店，都算少少打破左呢個慣例。首先，佢對比其他分店既價錢，唔算貴左好多，反而仲有2人餐/4人餐，價值仲要係好合理！第二，食物水準keep到同其他分店差唔多！小籠包熱辣辣上台，咬開是爆肉汁的！當然要同最有名既小籠包店相比仍未夠班媲美，但與其他翡翠拉麵小籠包比較，亦是一樣的水準！醉雞嫩滑，只係稍嫌雪得太凍，令雞肉咬落較冰硬。下面既酒香濃，但雞肉又唔會醃得過量而變澀。份量唔算太少，都叫有5-6舊肉食到！炸排骨麵，意外地驚喜。排骨新鮮炸起，咬落熱氣騰騰，而且是酥化的，抵讚！麵底就偏腍左少少，如果硬返一點點就好了！以上食物既質素，在冇期望下尤見驚喜，算是打破機場分店一定較難食既定律。3）服務就正正常常，你話殷切就一定冇可能，但又唔至於要三催四請先幫你！
1）較貴
2）水準較差
3）服務唔好
呢間翡翠拉麵小籠包分店，都算少少打破左呢個慣例。
首先，佢對比其他分店既價錢，唔算貴左好多，反而仲有2人餐/4人餐，價值仲要係好合理！
第二，食物水準keep到同其他分店差唔多！
小籠包熱辣辣上台，咬開是爆肉汁的！當然要同最有名既小籠包店相比仍未夠班媲美，但與其他翡翠拉麵小籠包比較，亦是一樣的水準！
醉雞嫩滑，只係稍嫌雪得太凍，令雞肉咬落較冰硬。下面既酒香濃，但雞肉又唔會醃得過量而變澀。份量唔算太少，都叫有5-6舊肉食到！
炸排骨麵，意外地驚喜。排骨新鮮炸起，咬落熱氣騰騰，而且是酥化的，抵讚！麵底就偏腍左少少，如果硬返一點點就好了！
以上食物既質素，在冇期望下尤見驚喜，算是打破機場分店一定較難食既定律。
3）服務就正正常常，你話殷切就一定冇可能，但又唔至於要三催四請先幫你！
張貼
