大街市集

營業中

休息中

入夜到差唔多睇煙花時間，聞到大街市集有好香嘅窩夫餅味，本來想買個窩夫食嘅。但排隊嗰陣見到有聖誕特色冬甩，仲要係我鍾意食嘅日式波提冬甩，就決定改食臨近聖誕先有嘅特色冬甩。冬甩有黑色同粉紅色，我就要咗粉紅色。上面有聖誕造型嘅小朱古力同糖裝飾。設計吸引💕之於味道就……我都未食過咁硬又冇味嘅波提冬甩😅我估佢可能已經雪咗好耐。波提冬甩加咗糯米粉，口感應比一般冬甩軟糯，但呢個比我喺出面一般麵包舖食到嘅普通冬甩仲要硬。我要用力先咬到一啖，上面啲聖誕裝飾已跌哂落嚟。大街市集買完食物，後面有啲露天cafe位可以坐。如果不計食物質素，環境係好唔錯嘅。特別係夜晚同宜家呢啲臨近聖誕節時間。坐位係露天花園式設計，配合賣相唔錯嘅甜品打卡一流。除咗預先雪住嘅甜品外，仲有賣熱盤同新鮮做嘅窩夫，相信味道應該會好啲。