紅茶冰室

干炒牛河，一上台就闻到阵镬气，明显系即点即炒，镬气够晒香。豆芽放得好多，咬落爽脆多汁，中和咗河粉嘅油润。最惊喜系牛肉，块头够大，分量又足，啖啖都有肉香，真心推介！​
咖喱吉利猪扒饭都系必食之选！猪扒炸得外脆内嫩，外皮卜卜脆，里面啲肉厚身又 juicy，咬落超满足。咖喱汁调得岩岩好，唔会过咸，香料味好浓郁，送饭一流。里面仲有炖到腍腍嘅土豆，吸晒咖喱汁！​
菠萝油配红豆冰套餐都好有惊喜，热辣辣嘅菠萝包夹住冻冰冰嘅牛油，一啖咬落去，冰火交融，外皮酥脆带住牛油香，甜而不腻。不过男友话食一口就觉得滞，我就觉得啱啱好，可能每个人口味唔同啦。总体嚟讲，呢餐真系食得好开心！