Cafe Terrace (已結業)

之前見朋友post咗喺尖沙咀食嘅tea幾吸引，咁啱去開尖沙咀就上去試下， 餐廳位於天台位置，露天位有靚靚嘅花牆，但因為天氣都幾熱同埋曬，我哋喺出面影咗幾張相之後就揀咗坐室內位置😆呢個tea set分開三層，中間嗰層放咗少少乾冰，上枱時嘅煙霧效果好有仙氣，打卡一流😍最底層嘅係Snacks：沙爹雞肉串肉質唔韌，沾有甜甜地嘅沙爹醬好開胃！馬蘇里拉芝士棒可以拉到長長嘅芝士絲🧀芝士焗青口口感嫩滑無渣！蒜香雞槌炸到外脆內嫩，上枱嘅時候仲熱嘅，配埋泰式辣醬無得輸🐔中間一層係Savory：鱘魚黑魚子煙三文魚他他鹹香味鮮，放上金箔望落更加高級😍血腥瑪莉雞尾酒蝦， 蝦肉爽彈配上酸甜醬汁，非常開胃🦐蟹肉蘑菇酥皮盒酥皮鬆化，蟹肉蘑菇餡料好香口🦀最上層嘅係甜品：伯爵茶奶凍奶味濃；馬卡龍外脆內軟；朱古力味同士多啤梨味嘅迷你冬甩都有同味果醬包喺入面🍩布朗尼蛋糕濕潤而且朱古力味好濃 👍🏻柑橘貝殼蛋糕柑橘香味濃郁又唔會太甜，我覺得係今餐最好食嘅甜品❤️提子鬆餅外層香脆，無論配士多啤梨果醬定係鮮奶油都一樣咁好食😋呢個tea set價錢好抵又好食，而且好靚好適合同閨蜜一齊打卡😍