麻辣滑雞米線 $68
雖然餐牌冇話可以選辣度，但係店員非常細心會問我哋大概食咩辣去調整！小編叫咗少少辣
上枱成本米線仲出緊煙熱辣辣。雖然湯底望落去好辣但係食落大概譚仔食五小辣嘅人都應付到。麻辣嘅麻對小編嚟講亦都可以接受會食到微微冒汗，但係唔會辣到嘴唇都腫，湯頭都有微微質感，食雞都會有少少掛汁！雞份量應該都大概有10嚿算係幾多！非常推介！
腐竹豬肚鮮香雞鍋米粉 $75
腐竹口感好滑，吸收咗鮮雞湯底嘅香，雞肉嘅份量都幾多，而且豬肚好爽口
點咗米粉 將米粉加落去個煲度食 食完之後暖笠笠 啱晒依家凍凍地
