影片
更多
2013-05-27
354 瀏覽
最近見到富臨又有片皮鴨團購賣喎！會唔會頻密咗d呀？ 事原我哋一家人喺四月已食過，當晚仲食到一肚氣添！講番隻片皮鴨，當晚侍應遞上檯時，真係嚇咗一跳！ 就咁比碟燒到 "黑嗎嗎" 嘅鴨皮，同兩碟蒸嘅餅皮我哋，望真d燒鴨皮，燒到又黑又焦，仲有成層肥油喺底，每片鴨皮都冇肉嘅，完全食唔到燒鴨嘅香味，有d皮仲好似係鴨頸皮喎！個個夾咗一件嚟食就停手啦！ 至於夾住鴨皮嚟食嘅餅皮就好厚，雖然幾熱，但黃黃哋顏色，味道好似饅頭多d囉！一睇就知係d急凍餅皮，有人客落單，咪馬上蒸熱囉！其實，我哋平時都有嚟飲吓茶，佢嘅點心，好似腐皮卷、一般蒸點、甜品、下午茶嘅燒臘飯，同炒粉麵都0K架，特別係鮑汁雞腳，用嘅係新鮮雞腳，做得幾正架！估唔到晚飯會係咁！都明白$38係冇可能食到正嘅片皮鴨，但一心以為富臨會用呢個優惠吸引客人，喺晚飯時多點其他正價食品，但咁嘅片皮鴨質數.... 真係唔想幫襯咁多囉！最後我哋多點一個鮮魷炒通菜, 同酸甜排骨就算, 雖然呢兩個餸嘅味道都可以接受，但份量就好少囉！***最嬲係佢大字宣傳 ----> (( $38富臨脆皮片皮鴨！足4斤重！即燒即食！)) 保證即叫即燒？？？真係笑大人個咀呀！莫講
事原我哋一家人喺四月已食過，當晚仲食到一肚氣添！
講番隻片皮鴨，當晚侍應遞上檯時，真係嚇咗一跳！ 就咁比碟燒到 "黑嗎嗎" 嘅鴨皮，同兩碟蒸嘅餅皮我哋，望真d燒鴨皮，燒到又黑又焦，仲有成層肥油喺底，每片鴨皮都冇肉嘅，完全食唔到燒鴨嘅香味，有d皮仲好似係鴨頸皮喎！個個夾咗一件嚟食就停手啦！
至於夾住鴨皮嚟食嘅餅皮就好厚，雖然幾熱，但黃黃哋顏色，味道好似饅頭多d囉！一睇就知係d急凍餅皮，有人客落單，咪馬上蒸熱囉！
其實，我哋平時都有嚟飲吓茶，佢嘅點心，好似腐皮卷、一般蒸點、甜品、下午茶嘅燒臘飯，同炒粉麵都0K架，特別係鮑汁雞腳，用嘅係新鮮雞腳，做得幾正架！估唔到晚飯會係咁！
都明白$38係冇可能食到正嘅片皮鴨，但一心以為富臨會用呢個優惠吸引客人，喺晚飯時多點其他正價食品，但咁嘅片皮鴨質數.... 真係唔想幫襯咁多囉！
最後我哋多點一個鮮魷炒通菜, 同酸甜排骨就算, 雖然呢兩個餸嘅味道都可以接受，但份量就好少囉！
***最嬲係佢大字宣傳 ----> (( $38富臨脆皮片皮鴨！足4斤重！即燒即食！)) 保證即叫即燒？？？真係笑大人個咀呀！莫講話冇見到佢片隻鴨比你睇，就連隻鴨都冇見過呀！咁又點知幾大隻呀？
所謂$38片皮鴨, 仲有茶芥及加一架！
題外話/補充資料：
因coupon寫明，在享用前三日必須電話預訂，當時我仲比個接線生問咗成十分鐘添！但到步後，竟然冇侍應問過是否團購、預訂咗之類....只係一取出coupon ，就好快有碟鴨皮同包皮上檯啦！真滑稽！
(以上食評乃用戶個人意見 , 並不代表OpenRice之觀點。)
張貼