福丸水產 鉄板燒 日本料理 (已結業)

今日同爸爸慶祝生日 去咗位於荃灣嘅呢家福丸水產 開咗唔係幾耐 網上一致好評 主要係食磯燒 好似日式居酒屋 最近有新搞作 係香港少有嘅鐵板燒系列入到去枱櫈非常闊落 用上好多日式嘅裝飾品 感覺上同日本既餐廳幾乎一樣 當日七點鐘左右嚟到 幾乎係包場 廚師可以專心地招呼我們 不過星期六日應該要預先book位清湯帶子 清湯預先用咗鰹魚去煮 好重魚香 又有淡淡煙薰味 搭配上超級巨型帶子 口感彈牙 生熟度啱啱好 加上少少柚子皮 令到成個湯更加清香白甘鯛用上罕有金鱗燒既做法 可能大家都對呢個做法比較陌生 因為香港真係好少見 魚肉連皮連魚鱗去煎炸 然後魚鱗就會變得脆卜卜 食落口感非常有層次 而且都係用番魚扒原本有嘅食材 魚肉食落嫩滑多汁火侯控制得剛剛好 再配上好足料嘅海膽去做個醬汁 甘香無比 來自馬來西亞既巨型竹蝦 未煮嘅時候足足有我一隻前臂咁長 勁誇張 師傅用蝦頭膏去做咗個醬汁 蝦肉都好巨型啖啖肉 而且非常鮮甜彈牙 最後上面加上矜貴 嘅黑魚子 鮮甜鹹香得黎不失氣派