風月堂 洋菓子BAR (已結業)

放工睇戲，時間不多。之前睇食評見到呢間既窩天話係用美國窩夫機，仲要師父去過日本學，仲要幾平下，就試下順便食晚餐啦啦。叫左欖油菠菜白菌豆蜆殻粉。咁實惠既餐廳最驚啲意粉會太淋或太凍但佢又唔會喎。個汁都幾開胃，配埋個蜜糖豆都幾fresh。推薦餐湯，黑松露忌廉雜菌湯好驚喜，上面小小黑松露油，增加香氣，個湯好多碎菇粒，好味~藍莓窩夫伴雪糕，我決定用手食😂 個窩夫係行輕脆路線，唔厚唔實，我第一次食呢個口感，都幾好味。原來佢個藍莓窩夫係兩層窩夫夾住藍莓cream，好邪惡😂