大和堂咖啡店

營業中

休息中

我甚少負評其他餐廳，我都忍唔住講幾句。首先中肯咁講，咖啡係正常好飲嘅，亦有自創口味，但可惜依個係唯一優點。侍應態度極需改善。剛到餐廳推門入去，侍應態度好似費時理你一樣。推門入到去，完全無人招呼。餐廳唔大，當時有四位職員在場，我相信當時人手係足夠。坐位安排十分混亂。明明有空位，侍應都要客人係門口排隊。我知有餐廳係喜歡用依一招做勢，但用到咁嘅招數做生意我唔感覺得有幾高明。希望餐廳唔會咁不智，用一D咁嘅招數。差不多食哂，侍應就突然叫我地搬位。當時我同朋友兩個人，明明坐緊一張二人枱，佢安排三個人坐我地隔離的二人枱，但明明有張長枱係有足夠三個人坐的位。我同朋友都即刻識做，快快手食埋佢就埋單走人，費事阻人做生意。另外值得一提，價錢同食物份量唔成正比，同行朋友食量唔大，但都覺得完全無食過野咁。當然我好明白，份量多與少，係好見仁見智，我亦唔敢講依個係缺點。我甚少負評一間餐廳，不竟人地都要打開門做生意，又何必食完唱。唔啱心水嘅，就僅止一次，下不為例，當買個教訓。但對於依間咖啡店，我都真係忍唔住要講番幾句。