鳴門魚湯麵亭 (已結業)

好耐冇過嚟勝利道，想食個烏冬飲個湯。跟住佢門口都有人等外賣， 裏面就唔太多人，小貓三幾隻。以前住喺呢頭附近得閒都會落嚟呢間食，貪佢個湯夠入味，但係我就冇印象呢度姐姐d態度原來係咁樣嘅，我晏晝嚟食，成間舖頭加埋都冇10個人，有兩個樓面阿姐，問多一句都好似踩親佢條尾咁。我叫左個豚肉烏冬，我鐘意佢個烏冬，有d咬口，個豚肉都ok，不過隻蛋唔係咁吸引，不過個湯都夠甜。雖然員工態度唔掂，但係個魚湯依舊係唔錯嘅。