影片
更多
2016-10-31
4189 瀏覽
尋晚好搞笑，原本同友人行經荷里活華庭，遠方見到見到有隻好大既龍蝦公仔掛起勁sharp，冇聊行去影隻龍蝦，影影下突然有兩隻「鬼」係門口跳下跳下，嚇到朋友魂飛魄散😂不過我就覺得好頂癮，啲鬼化妝都幾有趣，好有halloween feel，平時萬聖節都係食西餐，今年不如轉下口味食中餐，友人半推半就同我食呢餐。有紅衣女鬼送菜👻都有friendly殭屍送菜😝卷福相當貼心，為食龍蝦客人提供圍裙，啲汁就唔會彈到落衫，絕對為我呢個食相粗魯既人而設。我對食龍蝦冇咩學問，睇到店名叫卷福和他的朋友們，我係度諗卷福係咪龍蝦既其中一種品種，友人都唔知道，於是我找黎老闆娘問問其實係咩意思，一問之下我真係才疏學淺🙄原來卷福係指福爾摩斯男主角benedict cumberbatch係fans幫佢改既匿稱，呢個我真係唔知，店主亦係benedict既fans，所以將店名為卷福，朋友聽到好雀躍，因為佢都係福爾摩斯迷，聽到之後好似遇到知音咁😜和他的朋友們係指福爾摩斯同華生既友情。第二個意思「卷」係龍蝦的型態呈卷狀，「福」係中國傳統所講福到 (貼福字揮春時倒轉) 和他的朋友們佢地店鋪除左用龍蝦烹調之餘，佢地都會用排骨，雞，豬既食
有紅衣女鬼送菜👻
都有friendly殭屍送菜😝
卷福相當貼心，為食龍蝦客人提供圍裙，啲汁就唔會彈到落衫，絕對為我呢個食相粗魯既人而設。我對食龍蝦冇咩學問，睇到店名叫卷福和他的朋友們，我係度諗卷福係咪龍蝦既其中一種品種，友人都唔知道，於是我找黎老闆娘問問其實係咩意思，一問之下我真係才疏學淺🙄原來卷福係指福爾摩斯男主角benedict cumberbatch係fans幫佢改既匿稱，呢個我真係唔知，店主亦係benedict既fans，所以將店名為卷福，朋友聽到好雀躍，因為佢都係福爾摩斯迷，聽到之後好似遇到知音咁😜和他的朋友們係指福爾摩斯同華生既友情。
第二個意思「卷」係龍蝦的型態呈卷狀，「福」係中國傳統所講福到 (貼福字揮春時倒轉) 和他的朋友們佢地店鋪除左用龍蝦烹調之餘，佢地都會用排骨，雞，豬既食材一齊煮龍蝦，味道都可以好夾。
聽完一番解釋後，更加想試下呢度啲龍蝦，睇下係咪咁特別，就算龍蝦既煮法都有好多種，最後同朋友揀左張嘉佳小龍蝦。估唔到小龍蝦好鮮甜，因為望落個汁非常艷紅，仲諗住會好辣，只係有少少微辛味道，完全冇搶去龍蝦香甜，肉質結實彈牙。
食完成餐飯我都充滿好奇，所以又搵老闆娘傾下啲餸係點煮會有咁既效果~ 原來呢味張嘉佳小龍蝦黎自作家張嘉佳好鐘意食龍蝦，又好辣，佢將龍蝦用啤酒浸，自然甘香，並採用大紅袍花椒，所以香辛得黎冇奪去龍蝦甜味。
卷福小菜名都好特別，呢道「青春若是條不老的魚」龍脷魚用熱油泡得雪白鮮嫩爽滑，而且完全冇骨，入口即溶。加上新鮮翠綠既花椒，花椒辛香四溢，無須太多調味，已經吸引到我同友人忍唔住大快朵頤。
「寂寞難耐的小家碧玉」又一道特別既菜名，醬汁用雞湯，南瓜煮成，雞湯不帶一點油脂，相當鮮美，南瓜綿綿幼滑。我問老闆娘係咪用呢兩種醬材料煮成，佢話係，而且話我好犀利食得出，其實都係平時飲得阿媽新鮮煲既雞湯多，認到浸味🙊另外金黃的小方磚外表精緻，一咬之下陣陣蛋香，軟滑嫩彈，有啲似平時食開既玉子豆腐味道，表面有層淡香既菜，但又唔似買開既形狀同口感，我又問豆腐點解咁似玉子豆腐味，但唔似平時買開果啲，原來啲豆腐係卷福自家製用鮮豆漿混合雞蛋蒸，豆腐表面再加入菜葉，比普通現成買更為有特色。香菇吸收湯汁精華後，爽口得黎鮮上加鮮。
呢道小家碧玉完全估中點整，我簡直係「卷福」上身。XD
埋單時候先知dinner有88折，所以都算幾平以上環dinner食海鮮黎講。老闆娘話龍蝦泡飯係用左50隻龍蝦煲湯而成，超級吸引我下次黎開上環lunch再試，令我好期待。我都好開心可以同老闆娘交流飲食心得，希望下次可以繼續暢談。
張貼
