星巴克咖啡 (已結業)

繼早前韓風為港人帶黎咗一股蜂巢雪糕熱，Starbucks亦不甘後人，襯暑假炮製咗兩款蜂巢星冰樂。綠星與金星會員更可於特飲推出首星期內享用免費升級優惠；XO仔當然係唔會執輸啦，首日推出就去買咗杯朱古力味o既黎試！蜂蜜脆糖朱古力咖啡星冰樂（Honeycomb Crunch Mocha Frappuccino）朱古力味香甜濃郁，面層o既忌廉軟滑非常，不過最突出都可算係主角蜂蜜脆脆，就算浸咗一段時間都仍能保持甜脆鬆化，慢慢飲都唔會怕蜂蜜粒變腍，XO仔一試即戀上，睇黎今個夏天又多咗個honey啦！請留意，怕甜o既朋友記得要叫「少甜」呀，因為星冰樂面加咗朱古力醬架！