牛屋餐廳酒吧

營業中

休息中

幾個麻甩佬想去鋸扒，有人提議去牛屋，從前......10年前有多，都係10點後去牛屋飲酒，以前有卡位。而家就變晒4人枱，7點入去，7成滿，坐多陣已經全滿。肉眼扒 （$258 果個肉眼扒餐）唔記得影menu件肉眼唔會乸/醃到冇晒原本個肉質/好多平價牛扒醃得重手得濟，食到好重梳打粉味，呢度牛扒味道唔錯，個黑椒汁好重味，煎7成亦做得剛好，個色又煎得靚。薯條又夠熱。威靈頓牛柳朋友話唔錯，比較細份（同肉眼比）所以唔敢抽佢水試下。羅送湯，餐包上枱熱辣辣，好過去果幾間連鎖餐廳食牛扒。用餐時間90分鐘，因為到8點半仲有人係門口等緊，所以就要埋單走，亦証明佢幾多捧場客。場面就比較舊，真係食平靚正。