蓮香樓 (已易手) 新餐廳

第一次媽媽帶我到蓮香樓，上到去好古色古香嘅裝修同格局，要有心理準備自己搵位同埋要搭檯嘅。建議最好搵d路邊位，方便攞食物吖嘛。坐低左要俾d耐性，專屬你嗰區嘅侍應哥哥會黎招呼你問下你想用茶盅定茶壺嘅，檯面有個餐牌寫咩點大概有咩點心同價錢俾你參考下嘅。揀完茶之後你就可以準備，有點心車推出黎嘅時候最好即時衝埋去，因為一d搶手嘅點心係唔會等到佢推車時仲有架！特別推薦蛋散，鬆脆香甜同媽媽2個食唔停呀！另外推薦蝦餃，d蝦好爽之餘，入面仲有荀，好耐冇食過入面有荀嘅蝦餃喇！充滿童年回憶