影片
更多
2021-04-02
854 瀏覽
自從上個月去過土瓜灣吃晚飯後，發現原來這個小區都有唔少特色小店，所以近排一得閒就會過嚟行下。最近又俾我發掘到一間好有人情味嘅中菜館。餐廳位於安徽街，門面與一般飯店分別不大，不算起眼，不過入面都幾闊落，環境乾淨企理，加上食肆一直奉行真材實料和少鹽少油的製作方針，所以好受附近嘅街坊歡迎。店裡的服務員好熱情，知道我哋第一次嚟，專登過嚟介紹下佢哋嘅招牌菜，而且仲有問必答。原來牆上的玻璃貼左張餐廳嘅熱賣排行榜，菜式選項好豐富，懷舊與創新兼備。我哋點左半隻喜滿風沙雞 ($178)、秘製醬油厚豬扒飯 ($58) 同 一碟蒜蓉炒時蔬 ($58)。碟風沙雞果然好有睇頭， 新鮮即製，上桌時熱辣辣，面頭鋪滿金黃色的炸蒜，賣相甚佳。雞皮炸至透薄酥脆，極為香口，雞肉醃得非常入味，蒜味與鹹香並重，熟度亦恰好，甚至連雞胸部分都充滿肉汁， 令人回味無窮，真係不愧為餐廳嘅招牌菜。至於另一客店員推介的厚豬扒煎蛋飯亦絕不欺場，飯面嗰件帶骨嘅豬扒，比我塊面還要大，夠曬厚身，入口肉滑鬆軟，燶邊帶肥，而且沒有肉膻味，配埋頂頭的流心煎蛋一齊食，真係好味到停唔到口。豬扒飯奉送飲品，凍飲 +$3。食完咁多肉，梗係要食返碟菜中和下，揀左
餐廳位於安徽街，門面與一般飯店分別不大，不算起眼，不過入面都幾闊落，環境乾淨企理，加上食肆一直奉行真材實料和少鹽少油的製作方針，所以好受附近嘅街坊歡迎。
店裡的服務員好熱情，知道我哋第一次嚟，專登過嚟介紹下佢哋嘅招牌菜，而且仲有問必答。原來牆上的玻璃貼左張餐廳嘅熱賣排行榜，菜式選項好豐富，懷舊與創新兼備。
我哋點左半隻喜滿風沙雞 ($178)、秘製醬油厚豬扒飯 ($58) 同 一碟蒜蓉炒時蔬 ($58)。
碟風沙雞果然好有睇頭， 新鮮即製，上桌時熱辣辣，面頭鋪滿金黃色的炸蒜，賣相甚佳。雞皮炸至透薄酥脆，極為香口，雞肉醃得非常入味，蒜味與鹹香並重，熟度亦恰好，甚至連雞胸部分都充滿肉汁， 令人回味無窮，真係不愧為餐廳嘅招牌菜。
至於另一客店員推介的厚豬扒煎蛋飯亦絕不欺場，飯面嗰件帶骨嘅豬扒，比我塊面還要大，夠曬厚身，入口肉滑鬆軟，燶邊帶肥，而且沒有肉膻味，配埋頂頭的流心煎蛋一齊食，真係好味到停唔到口。
豬扒飯奉送飲品，凍飲 +$3。
食完咁多肉，梗係要食返碟菜中和下，揀左蒜蓉炒菜心，碟菜心炒得好爽脆，清甜得嚟又夠蒜味， 好有住家感覺。
呢餐飯食得好滿意，食物有水準之餘，定價仲好親民，加上餐廳環境衛生，服務又夠周到，應該會再嚟幫襯。
張貼
