女人街食飯公司

營業中

休息中

今日專登約左朋友黎哩間大排檔餐廳食野同打卡，餐廳係行懷舊香港風，入面超多影相位，無論環境同食物都好有舊式大排檔既風味。餐牌上面食物既選擇都幾多，尤其係廚師推介部份好吸引，特別推薦蝦多士。今次我地兩個女仔就叫左以下食物share👇🏻🎈黑松露鮮蝦多士 每件$28（三件起）哩個蝦多士真係不得了！多士表面酥脆，內裏鬆化，蝦肉新鮮彈牙，入口有淡淡的黑松露香味，真係超好食！佢另外仲有一小兜黑松露醬，點埋醬食，黑松露味道更濃郁，超推介👍🏻🎈日本大元貝 每隻$42（兩隻起）真係對得住佢個名大元貝，因為個size真係幾大，上面有好多粉絲同埋蒜蓉，粉絲充滿蒜蓉香，元貝新鮮，肉質爽彈無沙，非常唔錯。🎈生炸脆皮鴿皇 每隻$98乳鴿都幾大隻，而且非常厚肉，外皮香脆，肉質嫩滑，另外配有淮鹽同醬料，但係其實本身隻乳鴿已經好夠味，基本上都唔洗再另外調味，重點係咬落去仲要有肉汁，正正推薦👍🏻🎈青芥沙拉骨$108醬汁有好濃既芥末味，但係因為溝左沙律醬既關係，所以唔會太辣。整體黎講，哩間餐廳既環境好有特色，而且食物質素都非常唔錯，係打卡同埋聚會既好選擇，不過大家想黎既話記得預早book位，因為都真係幾爆場。