光榮冰室 (兆和街)

以年計冇寫食評好耐，係咩令到我突然寫番食評呢？係愛定係責任？其實係決定要舉家移民，好快離開出生地，所以好好紀錄一下香港比較地道或有特色嘅食店

光榮，簡樸裝潢，地道感覺，係幾十年前，香港最光輝一段日子嘅產物。黎呢度，唔係要食靚野貴野，主要係食個快飯，醫肚為主，以冰室黎講，佢都算多選擇。叫左個沙嗲牛滑蛋飯。。。

我叫左少飯，其實佢見唔見到？仲係咁大份，蛋都算多算滑，沙嗲牛唔韌，有肉感，沙嗲汁唔會過咸，個白飯就相對差啲，偏乾硬，有啲真係好難咬

杯凍奶茶就合格，茶奶都平衡，亦唔會過多冰而冇味