樂面牛屋 (已結業)

其實留意左呢間餐廳一段時間㗎啦，每次經過都覺得依間餐廳嘅門面幾吸引，細細間嘅裝修又有台式感覺，所以一直都想來試。今日一於同朋友嚟食晚飯，我叫咗滷肉飯鹽酥雞，朋友叫咗紅燒牛肉麵。朋友覺得個麵好一般，主要係麵質太硬了，而湯底都麻麻哋。我嘅滷肉飯呢，份量稍嫌細咗啲，鹽酥雞嘅粉太厚，影響咗個口感。總括來講，環境係好嘅，睇得出裝修好有心思，牆上嘅裝飾好有懷舊台灣嘅感覺，但係食物質素就一般啦，都未必會食多一次啦。