新竹園軒

營業中

休息中

我想同大家分享呢間我好鍾意食嘅酒樓餐廳，新竹園軒喺尖沙咀，裝修方面好有懷舊中國風味，但係又唔會話好殘舊，睇落都仲係好新淨㗎！今次想同大家分享，我好鍾意食呢間酒樓嘅以下呢四款食物🫶🏻1️⃣黃金南瓜條🤩金黃色嘅南瓜條好香脆，外皮有少少酥皮嘅感覺，南瓜嘅味道都好突出！2️⃣懷舊蛋撻仔😍好耐冇食蛋撻，呢到嘅蛋撻一碟有四隻，每一隻賣相都好靚仔，蛋味好香濃！食件蛋撻仔，飲杯茶就啱晒！3️⃣安蝦鹹水角😋鹹水角都好好食，入面嘅餡料都好多！外面又脆卜卜！4️⃣豉汁蒸鳳爪☺️鳳爪好入味，食落超香豉汁嘅味道！