Foodie 泰式煎餅 (已結業)

疫情下已有兩年無得去旅行，特別掛住泰國的街頭小食。泰式香蕉煎餅係去泰國時不得不食的小吃之一。近期係網上都有報道旺角開了泰式香蕉煎餅，味道近乎泰式。我當然黎到試一試，有唔同的醬料供選擇，有原味、Nutella榛子醬同花生醬。店內還有其他煎餅，有芝士咸牛肉煎餅、芫茜火腿芝士煎餅、芝士麻薯煎餅，甚至有麻辣雞絲、D24榴槤。我目標好清晰，一定要食泰式香焦煎餅。仲要原味，睇下係咪真係坊間所講咁原宗泰式味道。店面細細、冇座位，一定要外賣拎走，又或者企係門口趁熱食。需時15分鐘等，但要等好野食，花些時間都要。店員俾左熱辣辣的原味香蕉煎餅，透過紙盒都感受到新鮮出爐的熱騰騰，店員有提醒趁熱食！終於開盒享用，薄餅香脆軟熟，加上煉奶朱古力醬，好香口好香甜，但缺少了蛋香味。內餡香焦的味道都幾出，整體配搭不錯。但拎到返屋企時已涼了不少，如果趁熱食應該更好味！