禮 (打鼓嶺道)

營業中

休息中

九龍城唔止得泰國菜，仲有日本菜😋除咗串燒之外仲有剌身、炸物等等，非常豐富～串燒今次叫左紫蘇豚肉卷 、原切口牛舌芯、牛蒡素肉丸串肉～每款有3串，肉質幾嫩同juicy，唔會燒到好乾。小食一定要試玉子燒！剛上枱時啲蛋仲噴緊好多煙，蛋夠香甜同埋滑😍另外味醂魚乾非常好送酒，味道有少少甜，屬於偏諗嘅口感，覺得幾好食！另外生蠔都非常新鮮，配搭埋啲黑松露芝士醬有level up左！炸雞方面係有啲骨，所以偏大舊，調味、肉質都唔錯👍🏻額外，我地叫左個月見醬唐揚飯團。飯團係煎過嘅，所以有啲焦脆☺️然後成個飯團有充滿醬油嘅甜味，配埋蛋黃汁就ichiban😆刺身、壽司刺身方面幾新鮮☺️帶子幾甜，而海膽都有濃濃啲海水味～另外叫左一個帶子反卷，帶子上面有啲黑松露令嗰味偏突出！甜品-薯上白雪我地叫左個好少見嘅甜品，佢係一個蕃薯上面放個雪糕，食落有冰火交融嘅感覺，口感更綿，甜味亦都中和中，一啲都唔濟唔膩。總結，呢間餐廳太子都有分店，不過九龍城呢間分店就開得夜啲去到2am，想同朋友吹下水飲下野嘅朋友真係不防一試呀！性價比：⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️⭐️