更多
2022-04-29
2738 瀏覽
呢度既裝修以馬球為主題, 首先係門口位既酒Bar, 再行入去就係用餐既area🍴牆上掛滿左用粗金邊畫框鑲住各式各樣既油畫同埋馬球用具, 差唔多每一個角落都係打卡位📸 就算係防疫用既隔板都整到勁靚, 完全好似餐廳裝飾既一部分咁☺️ 為左營造氣氛, 餐廳會播類似旁述馬球賽事既錄音, 間唔中又播下歌, 所以令到成個環境有啲過嘈, 唔係好傾到計😅 食物方面以牛扒為主打, 唔食牛既朋友都有雞同魚既選擇既, 所以唔洗擔心☺️ 基本上今次既食物都係由staff介紹, 所以都係唔錯既👍🏽Dinkle Sourdough Bread 🥖雖然係一個餐前既酸種包, 但係食落都勁軟熟, 配埋特製牛油, 香草橄欖油, 真係會令到你想encore🥰Scallop Ceviche ($188)用呢個作為前菜我覺得係一流, 新鮮既帶子切成一片片, 配上酸酸地既醬汁, 再加上香草既調味, 勁refreshing🌿Fries Provenzal🍟($98)唔好睇少呢度既炸薯條, 因為佢係用左鴨油同蒜頭去炸, 所以食落特別香, 仲食到啲蒜頭碎添, 搞到我地最尾都encore 左一次😍Cream Corn🌽($128)唔好睇佢細
Dinkle Sourdough Bread 🥖
雖然係一個餐前既酸種包, 但係食落都勁軟熟, 配埋特製牛油, 香草橄欖油, 真係會令到你想encore🥰
Scallop Ceviche ($188)
用呢個作為前菜我覺得係一流, 新鮮既帶子切成一片片, 配上酸酸地既醬汁, 再加上香草既調味, 勁refreshing🌿
Fries Provenzal🍟($98)
唔好睇少呢度既炸薯條, 因為佢係用左鴨油同蒜頭去炸, 所以食落特別香, 仲食到啲蒜頭碎添, 搞到我地最尾都encore 左一次😍
Cream Corn🌽($128)
唔好睇佢細細兜咁, 其實食落都幾多, 因為佢既cream 勁濃厚, 每一啖粟米粒都被滿滿既cream包住, 暫時係我食過最好食既cream corn😉
Jumbo Asparagus🥒($188)
大大條蘆筍輕輕地煎過, 口感幾爽脆同埋新鮮感十足😙
24oz USDA Prime Bone in Ribeye🐄($948)
本來想叫個10 oz, 但係staff 怕我地唔夠食, 所以就推薦左呢個俾我地😂 份量都幾多, 燒到meduim 既牛肉勁軟綿, 仲帶有微微燒過既香氣, 食落係有啲驚喜既😝 食扒之前仲會俾唔同既刀你揀去享受添😂
Half Chicken🐓($368)
見個雞都幾吸引, 所以就試下, 其實我個人覺得個雞比牛好食🤣 因為雞肉真係好嫩滑同juicy, 再加埋用左唔同香料去醃到入曬味, 真係令人回味😋
Malvaviscos 🍡($128)
食完咁多鹹野當然要返個甜品啦😎 因為慶祝朋友生日, 所以叫左呢個燒棉花糖, 上甜品既時候呢度既staff 會一大班一齊黎唱生日歌, 仲會俾頂馬球帽你帶住影相😂 最後仲會幫大家影返張即影即有同埋手寫生日卡俾你添😉 一個大木盒裝住用木筷子串好既四舊大大粒棉花糖, 中間擺左兩舊炭既火堆, 感覺就好似bbq燒棉花糖咁🔥 唔好睇佢好似就咁一粒普通棉花糖咁簡單, 咬落去中間係拖肥雪糕, 所以係外熱內凍, 成個感覺好正, 呢個甜品一定要試❗️
S.Balbo Ben Marco Malbec 🍷($758)
黎到阿根廷餐廳當然要試下阿根廷既紅酒啦🇦🇷 呢度既wine list 既選擇係多到完全唔知點揀, 所以最後都係交左俾Staff 去介紹🙃 呢枝酒黎自位於海拔 1,100 米既Vallee de Uco既 Los Chacayes 葡萄園, 係一個絕對適合提子生長既好地方🍇 今次呢枝紅酒既濃度係14.5 屬於full body, 飲落幾順滑易入口, 木味較濃帶有少少dark berries 既味道, 十分適合配肉類一齊食😎
整體呢講呢間餐廳既staff 都幾Nice同埋好識搞氣氛, 中間仲請我地每人一杯 whisky🥃 除左環境較嘈之外, 食物都幾高質, 如果有budget既話呢度都係一個唔錯既慶生好地方😚
張貼
