新城潮州飯店

之前食過一次，平日六點冇乜人正常。今次星期五7-8點黎食，一開始仲問我哋搭唔搭枱。叫咗兩個滷水，好明顯個滷水檔應付唔切，個師傅仔係老闆娘個仔，仲慢過屋企呀媽切嘢，然後老闆娘又係咁叫佢做外賣單，結果我兩碟滷水等咗接近半個鐘，仲要吹咗佢三次先至做我嗰張單。

叫咗兩個滷水，本身諗住食一陣再叫，慢到咁都唔敢再叫。然後個滷水拼盤係鵝腸拼墨魚，Ko墨魚「拿」到淋曬冇味，仲要係啲頭頭尾尾。兩個餸再叫支啤酒三百五十幾，性價比超低。

等半個鐘先有得食，滷水墨魚揦到冇晒味，仲要俾埋啲頭頭尾尾。

$150