餐廳有一股懷舊feel，lunchtime有唔少白領同街坊幫襯，店員們都好殷勤親切，亦係老字號吸引人嘅地方。
有白雞同燒雞飯套餐，一場嚟到當然兩款都要食！套餐仲配油飯、油菜、肉骨茶(細)或飲品。白雞燒雞賣相都好吸引，雞皮十分有光澤。除左雞肉嫩滑外，白雞嘅鹹度啱啱好，唔點海南雞醬油三寶(薑蓉、辣椒醬、黑醬油)都已經好入味，燒雞雞皮微烤額外多了份脆脆嘅口感。油飯亦係重點，淡淡雞油同蒜香外，米粒粒分明，唔覺唔覺就食哂。
肉骨茶有驚喜，雖然藥材/胡椒味唔重，但勝在足料，細細碗已經有肉骨、豆卜同菇，以跟餐配嘅湯嚟講真係一D都唔馬虎。
海南雞超嫩超好食，有菜有湯而且午市唔收加一，性價比高，非常推介！
Menu-
1
