華宴食府

營業中

休息中

今日我哋一家人同外父外母去飲茶，因為黃竹坑確實選擇不多，所以我選擇嘗試呢間茶樓但係真係食到一肚氣。首先係我哋等咗勁耐先有位，之後我哋有個半歲大嘅bb，我哋要求要bb櫈，佢安排咗勁耐先安排到畀我哋，之後茶位方面，佢本身計錯咗bb係一位成人，我哋叫佢更改，職員極不耐煩，講真bb都食唔到嘢，點解要計去茶錢，職員最後死死地氣幫我哋改回正確人數，論食物方面，味道是正常，但唔夠熱不過價錢偏貴！講真，咁嘅價錢，我唔需要受理氣嚟呢度飲茶啦！以後唔會再幫襯！真係貼錢買難受！！