翠韻軒 (已結業)

呢間野唔單只轉名咁簡單，估唔到連態度同食物質素都黎個360度大轉變，唯一保留的係個靚景。事源係中午來飲茶，當時有大把吉抬，坐底後就叫野食，諗住冇咩人應該都唔使等太耐，點知等啊等，一等就45分鐘，一樣都未黎，咁就問下，點知問完一個又一個，完全無視我的提問，個部長至好笑，走咗去查單後印張單返黎聲都唔聲就放底張單，根住走人，到我開始再問時才不情不願咁講話已經落咗單，咁唯有再等，一等又15分鐘，咁又再追多兩個人，足足等了一個鐘才有一碟腸粉，然後又等啊等，終於到了一個鐘零15分才到。至於食物質素就一般美心的質素，但價錢貴多3份1，可以話完全唔值，真係唔會有下次。