AGE Cuisine Express (已搬遷) 新店位置

港島東太古最好行就是那日資百貨公司，行足大半日唔會覺悶，好多東西shop， 重要的是今日星期三。逛街逛都唔知時間，差不多六點諗起要解決今晚的飯餐，天氣悶熱真的不願想煮，同行好友介紹這間薄餅店，她的蝦子餅在附近返工lunch都會幫襯。英皇道橫街船塢里東達中心大廈入口乘𨋢上11樓，出𨋢行行行就會搵到。店內環境裝修雅緻，牆上的畫襯托得有趣，店員友善講解餐牌，點好菜，等候期間周圍影下相，畀我發現有間party room，最少可容納十六人。外賣盒包裝整潔，乾淨企理。AGE呢個火漆標誌好有特色。夏威夷薄餅~足足12吋有多，是我們喜愛的傳統意識薄脆餅底，老公奄尖想食熱啲，放入焗爐120度，烘熱5至8分鐘，即成。美式辣雞翼~這個做法很新穎，味道唔覺辣，雞翼面灑上蕃茄辣椒粉，表面上看似有點乾，但實際上食落裏面依然軟滑。自家製意式肉丸~肉丸用料堅得，新鮮牛肉製成，番茄醬汁酸酸地，微辣，廚師好有心思，加入麵包多士粒，索滿汁，連汁都可以食埋，番茄達人阿女吃個不停。Pizza好味，家人喜愛。