棠記海鮮小廚

營業中

休息中

🍴屯門區食海鮮一定會諗到三聖，除左近海邊嘅酒樓外，屋邨內都有好多海鮮加工餐廳，呢間餐 廳仲有得叫粉麵同小菜小炒等~ 店舖空間寬敞，晚餐時間都多人，氣氛非常好😆，而且侍應好熱情，會同客人閒聊下，問下啲菜啱唔啱食。選擇困難嘅我緊係問下推薦咩菜式啦🤣簡單講下 想食咩海鮮，侍應就推薦左2款比我👍🏻🍽️辣酒煮花螺醇而不嗆嘅酒煮過後，多左一陣麻辣香，醬汁方面味道豐富，雖然辣意唔強，令人不自覺地食 完一粒又一粒。花螺口感爽嫩，吸收左酒嘅精華，非常惹味。😋🍽️炒大蝦🦐簡單嘅烹調，已經好突出大蝦嘅鮮味。外殼脆卜卜，肉厚實得黎爽口彈牙。🍽️菠蘿咕嚕肉菠蘿微微燒過，帶出水果嘅鮮甜味。醬汁酸酸甜甜，仲有拉絲效果。咕嚕肉外層炸得香脆，而 且仲帶點肥膏，令到口感更鬆化。用黎送飯簡直一流😋👍🏻🍽️炒豆苗🥬大大碟嘅炒豆苗，用料一啲都唔吝嗇，豆苗非常翠綠，食落鮮嫩，一啲渣都冇。