41
11
3
等級3
57
1
2022-08-29 1244 瀏覽
Bibi and Baba 係我鍾意嘅馬來西亞/新加坡餐廳,自認為喺香港,佢嘅食物最正宗。之前嗰次係同一班朋友一齊嚟,唔好意思打咁多卡,所以今晚特登同屋企人一齊嚟呢間餐廳,不單止可以order我的心水,亦都可以俾我任影唔嬲😝。訂枱嘅時候本來想要7:30,不過餐廳啲人話只能夠訂6:30或八點,大家都係放咗工至嚟,所以寧願食早啲,費事等咁耐。老實講,佢哋嘅餐牌選擇並唔算太多,但係樣樣都正宗,今次係我第二次嚟,但係已經食勻晒佢餐牌上所有嘅食物。好似老公話齋,只要食物煮得好,選擇唔多並不是一個大問題。啲食客聽得出絕大部份都係星馬人,如果食物唔正宗就唔會咁受歡迎。因為我熟悉馬來西亞餐所以今晚就完全由我揸fit。配菜要咗沙嗲,炒蘿蔔糕同埋五香。沙嗲共有六串,三串雞同三串豬肉。其實馬來西亞因為係回教國家,所以極少有豬肉沙嗲,通常只有華人攤擋至會賣。啲沙嗲燒得幾好,但係始終唔係用炭燒,所以少咗啲炭香味。要讚嘅係佢啲沙嗲醬做得非常之正宗,同我喺馬拉食嘅一模一樣。沙嗲嘅配菜有黃瓜同洋蔥,欠嘅就喺ketupat ,即係馬來粽。如果喺星馬食沙嗲,通常都會有佢,如果間餐廳肯做埋佢就好喇!炒蘿蔔糕好多星馬餐廳都會
更多
Bibi and Baba 係我鍾意嘅馬來西亞/新加坡餐廳,自認為喺香港,佢嘅食物最正宗。之前嗰次係同一班朋友一齊嚟,唔好意思打咁多卡,所以今晚特登同屋企人一齊嚟呢間餐廳,不單止可以order我的心水,亦都可以俾我任影唔嬲😝。訂枱嘅時候本來想要7:30,不過餐廳啲人話只能夠訂6:30或八點,大家都係放咗工至嚟,所以寧願食早啲,費事等咁耐。

26 瀏覽
0 讚好
0 留言


老實講,佢哋嘅餐牌選擇並唔算太多,但係樣樣都正宗,今次係我第二次嚟,但係已經食勻晒佢餐牌上所有嘅食物。好似老公話齋,只要食物煮得好,選擇唔多並不是一個大問題。啲食客聽得出絕大部份都係星馬人,如果食物唔正宗就唔會咁受歡迎。


因為我熟悉馬來西亞餐所以今晚就完全由我揸fit。


配菜要咗沙嗲,炒蘿蔔糕同埋五香。沙嗲共有六串,三串雞同三串豬肉。其實馬來西亞因為係回教國家,所以極少有豬肉沙嗲,通常只有華人攤擋至會賣。啲沙嗲燒得幾好,但係始終唔係用炭燒,所以少咗啲炭香味。要讚嘅係佢啲沙嗲醬做得非常之正宗,同我喺馬拉食嘅一模一樣。沙嗲嘅配菜有黃瓜同洋蔥,欠嘅就喺ketupat ,即係馬來粽。如果喺星馬食沙嗲,通常都會有佢,如果間餐廳肯做埋佢就好喇!

沙爹
$88
27 瀏覽
0 讚好
0 留言


炒蘿蔔糕好多星馬餐廳都會賣,呢度係用黑甜醬炒的,落埋雞蛋同菜脯,做法依照新加坡大排檔風味。佢嘅蘿蔔糕係比較硬身,食落有咬口,係我鍾意嘅texture。

炒蘿蔔糕
$78
24 瀏覽
0 讚好
0 留言


五香喺馬來喺非常普遍的小食,呢樣嘢喺香港就比較少見。佢基本上係用腐皮包住五香粉醃咗嘅豬肉餡攞去炸,係啲香口嘢,通常小朋友都好鍾意食。佢呢度仲俾咗一碟黑豉油同埋一碟辣椒醬俾你沾,未試過呢碟餸嘅人不妨試試。

五香
$78
23 瀏覽
0 讚好
0 留言



特色菜嗌咗喇沙釀豆腐。除咗炸豆腐外,佢仲有釀大辣椒,茄子同埋秋葵等。啲魚漿亦都打得非常之好,彈牙之餘仲好爽口。喇沙湯底非常之鮮甜,落咗濃郁的椰漿,非常惹味。

喇沙釀豆腐
$102
20 瀏覽
0 讚好
0 留言


飯面等主食我哋要咗個肉骨茶(配飯),炒貴刁,同埋馬拉椰漿飯,都係啲非常普遍嘅星馬食品。呢度嘅肉骨茶係馬來西亞式嘅,用藥材熬製而唔係新加坡嘅胡椒湯底。藥材湯底清甜唔油膩,肉骨嘅份量可多,大概有四、五條一字骨,加埋酸菜,喺個開胃餸。唔記得講佢哋亦好正宗地俾咗一碟紅辣椒甜豉油,係典型嘅沾料。

肉骨茶配飯
$102
18 瀏覽
0 讚好
0 留言


炒貴刁喺用嚟試㕑師功力的,呢碟炒貴刁唔係我食過最好嘅一碟,不過已經算係非常之唔錯。落料方面除咗蝦之外仲有勁多嘅臘腸,所以食落都幾香口。

炒貴刁
$102
17 瀏覽
0 讚好
0 留言


椰漿飯我哋選擇咗配炸鷄(其餘選擇係仁當雞肉或牛肉)。喺馬來,好多人會選擇椰漿飯做早餐,當然就冇咁豪華,即係唔會有炸雞,而配料就係參巴醬江魚仔,黃瓜,雞蛋同花生等。我要講嘅係隻蛋煎得幾好,個蛋白邊煎得卜卜脆,每隻蛋都可以煎到咁一致其實唔容易。至於個椰漿飯我就覺得可以再濃郁啲,呢個飯嘅椰漿味我嫌佢淡咗少少。

椰漿飯配炸雞
$98
19 瀏覽
0 讚好
0 留言


雖然已經食到非常之飽,但係都要嗌甜品,因為要滿足亞女嘅第二個胃。煎蕊同西米糕各要一客,我個人比較鍾意煎蕊,因為覺得西米糕嘅椰糖太甜,不過阿女就覺得落埋啲椰漿撈勻個味道啱啱好👍。

西米糕
$58
23 瀏覽
0 讚好
0 留言


煎蕊
$58
31 瀏覽
1 讚好
0 留言


今餐總共食咗800蚊,老實講同樣嘅食物,喺馬來西亞用三份一嘅價錢就食到。唔緊要啦,「民以食為天」,最緊要係好食,唔計較得咁多㗎喇!
26 瀏覽
0 讚好
0 留言


(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2022-08-26
用餐途徑
堂食
人均消費
$210 (晚餐)
推介美食
沙爹
$ 88
炒蘿蔔糕
$ 78
五香
$ 78
喇沙釀豆腐
$ 102
肉骨茶配飯
$ 102
炒貴刁
$ 102
椰漿飯配炸雞
$ 98
西米糕
$ 58
煎蕊
$ 58