點小館 X 旺旺烤活魚 (已結業)

今晚收工同老婆二人晚餐試下新野，平時雞煲就食得多，烤活魚火鍋就真係第一次。入到店裝修簡約，卡位坐得幾舒服。見到有個2位用超值海鮮優惠套餐，幾乎包含晒想食的食品👍🏻👍🏻。二話不說就落單啦🤣，點了招牌酸菜魚（BB辣）。先來個前菜涼伴青瓜，量份唔惹少，夠惹味，好開胃。主角到啦！這個烤活火鍋好足料，魚都好大條，魚好滑，又厚肉，口感豐富😋。之後來個海鮮拼盤（白鱔片、帶子、蠔、珊瑚蚌、蝦）食落都幾鮮，白鱔片最正，又滑又彈👏🏻。再來是安格斯肥牛，切得幾厚身，而且牛味濃，最緊要食落口夠滑又有質感😋😋。另外點了鬼馬墨魚膠，油炸鬼+墨魚滑真係好夾，脆口+彈牙的口感真係無得輸👏🏻👏🏻，還有試左避風塘雞翼，惹味小食😋，最緊要在家是不會做避風塘的煮法，又多油煙😅。整體都好好食，下次再encore👍🏻👍🏻。