神經餵飼 (已結業)

想試呢間神經餵飼好耐，星期六佢開12點，如果大家想黎試下，大約11:45黎排家隊等佢開門就差唔多。企係出面排隊都幾熱，不過店員會拎水出黎比大家飲，都算好好。排緊隊果陣店員會mark低你個姓同人數，但唔係次次都會咁做，所以多數都係企係出面排隊等。.佢個menu會轉，今次個weekend menu如下我地嗌左肉碎飯同牛肉卷定食，選擇唔算多，如果黎食lunch應該都會揀上面果4款，下午茶就可以揀下面包類。.呢碟肉碎飯都好有泰式風味，不過辣左啲，唔食得辣既朋友可以試下叫佢地少辣，但我地醒唔起就冇叫佢少辣。個牛肉卷賣相好吸引，都有牛味，不過入面啲紅蘿蔔就生左啲。呢杯神經薑蓉梳打有驚喜，有啲薑、薄荷同菠蘿，飲落好fresh，係出面排到熱辣辣入面飲呢杯就岩哂。